Рузмарин вода за брз раст на косата

Доколку често ги гледате оние реклами од производи за брзо растење на косата верувајте ми воопшто не ви се потребни, бидејќи се чиста лага и маркетинг трик за правење на пари! - Овој брз и лесен рецепт ќе ви ги реши сите “маки“ поврзани со растот и квалитетот на косата, докажано на своја лична глава!

Пазарот во полето на естетската убавина како негата на кожа, лице и коса си зазема свое маестрално место со своите умешни талентирани работници кои се многу напредни во своите маркетинг способности за лесна online продажба на производи преку добар дизајн за маркетинг.

Често во home ќе ми излезе спонзорирана реклама за ваков тип на готов прозвод кој чини над 600 до 1.200 денари за нега на коса и тоа токму од овој тип на производи кои секој човек може да си ги направи дома и истите да го чинат 0,000 денари, освен ако нема празно шишенце ;) .. за него ќе треба да наплати можеби 50 денари.

Овој рецепт е многу лесен и истиот трае со месеци.. За истиот потребно ви е:

• 7-8 гранчиња свеж рузмарин (претходно измиен).

• Околу 2-3 средни шолји вода.

Ги ставате гранчињата во водата и вриете на средно - јако околу 20+ минути додека водата не пожолти како планински чај. Откако ќе се избои водата од рузмаринот и ќе се измешаат сите важни состојки од истиот, го тргате тенџерето од рингла да се излади и потоа водата ја истурате (низ цедалка, за да немате парченца од рузмаринот) во празно чисто шише со прскалка и го ставате во фрижидер, бидејќи од топло мене лично еднаш ми мувлиса.

Начин на користење:

По секое миење на вашата коса со шампон, можете на крајот пред да ја завиткате во крпа убаво да ја испрскате додека сеуште е многу влажна. Втората опција е да завршите со миењето, да ја завиткате во пешкир малку да се исцеди и пред да ја сушите да испрскате на сите делови од неа во коренот и надолу. Овие два начини ги користам постојано и косата никогаш во животот не ми била посилна, поквалитетна и толку брзо да ми расте за само 2-3 месеци колку за пола година.

Ова е докажан рецепт од многу луѓе и има мит кој најверојатно е вистинит дека индијанците го користеле постојано за нивните коси да бидат долги и цврсти, што веројатно и не е случајно покрај нивните природни гени.

Се надевам дека со овој рецепт нема да ги трошите вашите пари на измислени производи со секакви хемикалии од страна на алчни материјалисти, туку ќе си го упростите вашиот живот и ќе ја заштитите нашата Планета со помалку штета од беспотребен отпад.

Споделете