Рецепт за здрави и бели заби

Човекот може да се храни здраво, да негува здрави навики, да има позитивни мисли и енергија, да влијае на тоа да има помал стрес, да верува во Бога и да ги оттргне сите лоши и деструктивни навики како пушење цигари и алкохол.. но на крајот од годината, сепак мора да посети забар :D .

Токму затоа, во денешниот блог за домашни рецепти ќе напишеме еден генијален, евтин и одма резултатен рецепт кој може да се користи секоја недела 1, 2 или 3 пати во неделата кој со гаранција дава одма бели, прочистени заби, а на долг рок - можеби и поретко или на неколку години посетување на заболекар.

Овој рецепт е сеуште во фаза на истражување од моја страна дали целосно влијае на одржувањето на здрави заби, меѓутоа почувствуван на своја кожа, со интегритет стојам зад тоа дека одма ги белее забите, без притоа да имате потреба од одење на заболекар заради белеење.

Не случајно старите кажале, најдобриот лек секогаш чини 5 пари.

За оваа смеса ви се потребни?

1. Кокосово масло за орална употреба (во ДМ јас земав 300мл за 150ден), меѓутоа од тие 300мл некои 6-7 лажици ставив во посебна помала тегличка, за да можам остатокот да го користам за нешто друго.

2. 3-4 мали полни лажици куркума.

3. Обична четка за заби (најдобро посебна само за оваа смеса, затоа што ќе ви се обои од куркумата).

4. Мала празна и чиста тегличка за да ги ставите состојките внатре.

Подготовка:

Што значи, имаме само ДВЕ СОСТОЈКИ кои ја прават целата магија. Во малата тегличка ставаме од кокосовото масло и куркумата, а двете состојки внимателно ги мешаме со шпатула за убаво да се соединат и направат една меко густа силна портокалова смеса.

Користење:

Оваа смеса треба да ви стои во тоалет за од неа да си користите во текот на неделата на тој начин што со површината на четката ќе грабнете од смесата исто онолку колку што ставате паста за заби и ќе ги измиете убаво, длабочински и прецизно сите делови на забите од внатрешна и надворешна страна. На крајот ВНИМАВАЈТЕ со една работа, а тоа е да не плукате во вашиот умивалник бидејќи ќе го обоите од куркумата. Препорачливо е целата смеса по миењето од устата да ја плукнете во тоалет и да ја фрлите во кантата за отпадоци. Потоа измијте ја устата со остатокот од смесата со млака вода и нема да имате никаков провлем со обојување од неа.

Рецептот е толку едноставен, а толку ефективен што стана моја вистинска рутина за заштеда на пари, инвестирање на време за чистење на моите заби, заштита од бактерии и расипување, и воедно мала тајна за побели заби (за моите видеа :P). Па се надевам дека оваа мала тајна за бели и здрави заби ќе почнете да ја применувате и вие за да си заштедите време и пари.

А во прилог ви оставам и неколку информации за придобивките од кокосовото масло преземени од еспресо.мк.

Убивање на штетни бактерии во устата – Устата содржи најразлични бактерии. Некои се штетни и може да доведат до расипување на забите, лош здив и болести на непцата. Студија од 2016 година во која биле вклучени 60 учесници покажа дека плакнењето на устата со кокосово масло може да ја намали популацијата на бактерии во плунката и да ја поддржи оралната хигиена. Истражувачите велат дека кокосовото масло е безбедна алтернатива на хлорхексидин, состојка во некои комерцијални средства за плакнење уста.

Намалување на лошиот здив – Лошиот здив најчесто е резултат на акумулација на бактерии во устата. Ова може да биде поврзано со лоша орална хигиена, инфекција или заболување на непцата. Студија од 2011 година покажа дека кокосовото масло може да биде ефикасен природен третман за лош здив.

Кокосовото масло го спречува расипувањето на забите и им помага на непцата. Кариесот е резултат на акумулација на бактерии, лоша орална хигиена и консумирање шеќер. Облогата од бактерии, плунка и честички од храна ги покрива забите и може да ја оштети глеѓта, што на крај предизвикува кариес. Според една студија од 2016 година, плакнењето на устата со кокосово масло може да ја намали популацијата на бактерии кои предизвикуваат расипување на забите. Покрај четкањето и конецот, плакнењето на устата со кокосово масло може да биде уште еден начин за поддршка на оралното здравје.

Намалување на воспалението и подобрување на здравјето на непцата – Бактериите можат да придонесат за гингивитис, честа болест на непцата што предизвикува црвенило, оток и воспаление. Може да предизвика и лесно крварење на непцата. Истражувањата покажуваат дека кокосовото масло може да ги смири воспаленијата. Дополнително, според една студија од 2015 година и друга студија од 2020 година, плакнењето на устата со кокосово масло може да го намали формирањето на наслаги и да помогне да се спречи гингивитис предизвикан од наслаги.

Белење на заби – Ниту еден научен доказ не потврдил дека плакнењето на устата со кокосово масло може да ги избели забите. Сепак, постојат случаи кога кокосовото масло може да ги исчисти дамките од површините на забите.

Повеќе домашни рецепти за здравје и нега можете да видите тука.