Плескавици од црвена леќа

Подгответе здрави, вкусни и нискокалорични плескавици од црвена леќа. Овие плескавици од леќа можете да ги подготвувате и за време на пост бидејќи се  премногу вкусни и лесни за подготовка.

Состојки:

-300 грама црвена леќа;

-Половина лута пиперка;

-2 сварени моркови;

-1 сварен компир;

-1 млад кромид;

-3 чешниња лук;

-Маслиново масло.

Зачини:

-2 м.л. кари;

-2 м.л. хемилајска сол;

-1 м.л. бибер;

- 1 м.л. куркума;

- и други зачини по ваш избор.

Подготовка:

• Најпрво леќата ја оставаме во сад со ладна вода 3 часа да отстои. Пред подготовка повторно треба да се измие и да се исцеди убаво;

• Потоа леќата ја ставаме во блендер, ги ставаме и останатите состојки морков, компир, кромид, лук и зачините, додаваме и едно лажиче маслиново масло;

• Блендираме сè додека не добиеме хомогена смеса;

• Додека се блендира смесата во тавче на оган ставаме маслиново масло да се загрее;

• Додаваме од смесата во загреаното тавче, го формираме обликот со супена лажица и кратко потпржуваме.

Плескавиците може да се јадат како веге бургери во лепче или како плескавици со пржени/печени компири и прилог по ваша желба.

Споделете