🌱Ⓥegan Лазањи˚🍃

Кога се работи за храна која може да се наречен специјалитет, мене тоа ме асоцира на лазањи, некое хранливо богато јадење со сос, печурки, пире, нешто што е навистина необично и се прави со добро засукани ракави дури и по неколку часа. Во овој рецепт ќе научите како се прават лазањи без месо, јајца и други животински производи и за овој рецепт ви се потребни 2-3 часа подготовка.

Сите потребни состојки:

• 1 шолја кафеава леќа

• 100 грама индиски непечени ореви (половина час потопени во врела вода)

• 500мл томатело сос

• 2 моркови

• 4-6 големи печурки

• 1 голем кромид

• 8 главици лук

• 1 голем патлиџан

• Сол, бибер, оригано

• 1/2 лимон

• Брашно 1-4 шолја

I дел: Леќа, 4 гл. лук и 1 патлиџан

• Ја ставате леќата во +500мл вода и во неа ставате 4 главици лук и еден патлиџан (исечен на средината во Х за да може откако ќе се свари полесно да се излупи) и ги варите околу 15-20мин додека зрнцата од леќата не се сварат.

Во меѓувреме го пржиме зеленчукот:

Во рачен блендер ситно го сецкаме кромидот и го ставаме во тавче за пржење, па морковот, го додаваме и него кај кромидот, потоа ги сецкаме ситно рачно останатите 4 главици лук и на крај блендираме 4 големи печурки, а останатите 2 ги сецкаме на тенки долгнавести парчиња и истите ќе ги наредиме на крај со завршниот слој во тавата од лазањите.

Откако ќе се испржат сите зеленчуци, ја додаваме процедената леќа и динстаме уште 5 минути.

Потоа во нив ја устураме томатело смесата која треба претходно да се изблендира (види следен чекор II дел: Томатело, патлиџан, лук и оригано) со патлиџанот и лукот коишто се вареа во леќата на почетокот.

II дел: Томатело, патлиџан, лук и оригано

Откако ќе се сварат патлиџанот и лукот (во леќата) се ставаат во 350мл томатело сос, оригано, сол и бибер и се блендираат, а смесата се истура во претходно пржениот зеленчук и леќа во тавчето.

Откако ќе се соединат сите состојки, зеленчуковиот слој за лазањите е готов и тавчето го тргаме на страна, затоа што следен чекор е Бешамел сосот.

IV дел: Бешамел сос

• 100гр индиски ореви (сварени/отстоени во врела вода)

• 1/2 исцеден лимон (по избор)

• 2-3 големи лажици грчки јогурт или замена со млеко (не мора, по избор)

• 1 мала шолја вода

• Сол, бибер, мелен лук
  

Сите состојки се блендираат и сосот се истура во следнава смеса:

На страна во тенџерче се става зејтин и откако ќе се загрее зејтинот постепено се додава брашно (1/4тина) и се меша со рачна кутлача-миксер на тивко (5-6ка), а откако ќе се соедини смесата во многу густ слој, додаваме од блендираните индиски ореви и постојано мешаме и ја повторуваме истата постапка, додека двата соса не се соединат убаво. Доколку е премногу густо, можете да додадете растително млеко и да измешате.

Време е за редење на ЛАЗАЊИТЕ:

Во тава не премногу мала, ниту премногу голема (мојата беше 33цм х 24цм и во неа за еден слој ставав по 5-6 плочки лазањи), редиме по 3 слоја од:

1. На дното мачкаме зејтин и ставаме 1-2 кутлачи од леќата, зеленчукот и томателото.

2. Потоа редиме 1 РЕД, околу 5-6 плочки лазањи.

3. Потоа ставаме  2-3 кутлачи повторно од смесата на леќата, зеленчукот и томателото и ја разредуваме по целата тава над плочките.

4. Потоа ставаме 1-2 кутлачи бешамел сос, го разредуваме врз леќата и рендаме малку кашкавал (доколку не е солено, додавајте и сол врз секој слој).

5. Потоа редиме повторно 2 РЕД плочки лазањи.

6. Ставаме и разредуваме повторно 2-3 кутлачи од леќата.

7. Ставаме 1-2 кутлачи БЕШАМЕЛ СОС + реднаме кашкавал.

8. Потоа редиме повторно 3 РЕД плочки лазањи.

9. И на крај го ставаме и разредуваме остатокот од леќата.

10. Го истураме остатокот од бешамел сосот, рендаме кашкавал и врз сето тоа ги редиме претходно исечените парчиња печурки.

Посолуваме, ставаме бибер и оригано и тавчето го ставаме во претходно загреана рерна на 180С околу 30 - 40 минути со повремено набљудување. Се послужува со ситно исецкан магдонос, томатело и чаша вино.

Уживајте и Bon Appétit!