Руска веган салата

Долго време барав опција за веганска и пред сѐ здрава верзија на руска салата, па конечно направив совршена комбинација.

Состојки:

(сите зеленчуци претходно сварете ги)

• 2 шољи грашок

• 2 шољи пченка

• 1 средно голем компир

• 2-3 моркови

• 7-8 корнишони

Зачини:

• Сол

• Бибер

• Љубов :Р

Веган мајонез (состојки+подготовка):

• 1 кесичка или рака индиски ореви (отстоени во врела вода 1 час)

• 1/2 или 1 лажичка сенф (ако не лути може и 1 цела мала лажичка)

• 1/2 исцеден лимон

• 1 лажичка јаболков оцет

• 2-3 чешниња лук

• 1 лажица маслиново масло

• сол и бибер

• Дополнително, но не мора, околу 5-6 лажици млеко од соја.

Сето ова го блендирате додека не се добие густина на мајонез. Ако ви е премногу течно значи дека сте ставиле вода. Вкусен е и течен и густ. Доколку сакате да биде повеќе како мајонез, ставете повеќе индиски ореви.

Подготовка на салатата:

• Сите зеленчуци се сецкаат на мали коцкички, освен пченката и грашокот и се ставаат во длабок тањир. Се истура мајонезот и се меша додека не се добие посакуваниот вкус.

Уживајте!