ПРИРАЧНИК ЗА ЛИЧЕН РАЗВОЈ “ХАРМОНИЈА ДНЕВНИК“
Хармонија Дневникот е прирачник од 100 дневни прашалници за работа на себе и својата психолошка личност. Создаден е да низ 100 разновидни дневни активности ја држи индивидуата фокусирано дисциплинирана на себе и контактот со вн атрешната душа. Хармонија низ тие 100 дневни задачи е пропратен и со +100 разновидни цитати за мотивација и позитивен ден.
Дневникот Хармонија може да се објасни како Психолошки Дневник за работа на себе.
Зошто психолошки?
Затоа што внатрешноста се состои од прашања, детално и психолошки осмислени за да ве насочат да одговарате на прашања кои вообичаено никогаш во животот не седнувате ниту да ги поставите, а најмалку да ги одговорите.
За да можеме да дојдеме до било каков одговор на нашите проблеми, препреки, маки, ограничувања и лични бариери потребно е да продреме длабоко во себе со цел да ги најдеме одговорите од “прва рака“. Некогаш не знаеме како, што да се запрашаме, односно најчесто, не сме ниту научени на ваков пристап на функционирање кон себе во животот.
Токму ова е суштината на Хармонија Дневникот. Да ве насочи и поттикне секојдневно да се запрашувате себеси, кои се вашите уверувања кои не ви служат, што сакате од себе, зошто го сакате тоа, каде тече вашиот живот, дали воопшто сте му дале цел некаде да тече, што сакате да имате во животот и зошто тоа го сакате?